VOV4.Jarai - Mơguah lơ 22/4, Khul kơ phê Buôn Ma Thuột, tơring čar Daklak pơphun pok Bruă pơplông kơ phê pha ra mơng Việt Nam tal 4, tui hơdră lăng nao rai mơng ataih tô nao rai ƀơi 3 anih anom: Buôn Ma Thuột, ƀôn prong Hồ Chí Minh hăng Hà Nội. Mrô kơ phê pioh ba nao pơplông hăng anom pơplông thun anai lu hloh bơhmu hăng 3 tal pơphun hlâo.

Tơdơi kơ 6 blan pơphun, bruă pơplông ngă pơhư̆č 48 bôh anom gum hrom pơplông hăng 83 mơta kơ phê rai mơng 7 bôh tơring čar, ƀôn prong pla pơkra kơ phê. Rơwang blung a, pơsit anô̆ klă kơ phê lông mơñum lăng mơng lơ 22 truh kơ lơ 27/4. Rơwang pơplông rơnuč hăng jao pri, pơđut bruă pơplông amăng lơ 30/4 pơ̆ anăp. Bruă pơplông kiăng pơpŭ  mơnuih pla kơ phê, kơ phê pơkra pha ra hăng anom pơkra kơ phê djơ̆ tui anăn iâu pha ra; lăi pơthâo kơ phê pha ra mơng Việt Nam truh hăng mơnuih blơi yua, pô hna măh kơ phê amăng lŏn ia hăng pơ̆ dêh čar tač rơngiao./.

Siu H’ Prăk: Pơblang