Anom bruă čem rông hlô mơnong hơmâo rơbêh 25% amăng rơnoh djop anom bruă ngă hmua. Amăng hơdôm thun rơgao, anom bruă čem rông hlô mơnong Việt Nam dưi ngă lu tơhnal pơkă yôm pơđĭ kyar ba glăi boh tŭ yua prong hăng ngă atur kơ bruă čem rông hlô mơnong  pơjing rai gơnam tam sĭ mơdrô, blung hlâo ba glăi boh tơhnal lir hơbit amăng bruă mă pơkra ming hăng sĭ mơdrô.

Kơ-iăng Khua ding jum ơi Phùng Đức Tiến rơkâo anăm lui Khul, anom bruă sĭ mơdrô dŏ gah rơngiao kơ bruă pơđĭ rơnoh sĭ mơdrô čem rông hlô mơnong

Ơi Nguyễn Thanh Sơn, Khua Khul wai lăng bruă sĭ mơdrô mơnŭ bip Việt Nam lăi lĕ, kiăng sem glăi tơlơi ngă hrom wai lăng mơ̆ng kơnuk kơna hăng Khul čem rông hlô kiăng djru pơsir tơlơi tơnap tap, rơkâo ngă tui sa jơlan hơdră anăp nao akŏ pơdong bruă mă pơđĭ rơnoh sĭ mơdrô čem rông hlô mơnong, gleng nao boh tŭ yua amăng bruă čem rông. Hơdôm bơnah kiăng dŏ hrom pơčrông sai rĭm blan, lăi pơthâo kiăng djru kơ sang bruă sĭ mơdrô hmao kru pơsir hĭ tơlơi tơnap tap, pơtrut djop anom bruă gah bruă čem rông pơđĭ kyar.