Anai jing tal blung a Dak Lăk pơphun bruă ngui ngor anai amăng mông Jơnum ngui kơphê Buôn Ma Thuột. Tui anun, ngui ngor pơdong rơnưh kơphê amra hơmâo pơphun mơ̆ng lơ 10 truh lơ 12 blan 3, ƀơi Anih gru đưm boh thâo gru grua Đồn Điền Ca Da, să Ea Yông, tơring glông Krông Pač, tơring čar Dak Lăk. Hăng anăn “Gum hrŏm, kah pơpha”, Ngui pơdong rơnưh kơphê amra dưi pơƀuh hyu anăn kơphê hmư̆ hing Buôn Ma Thuột, pơpŭ kơ mơnuih pla hăng pơkra kơphê, laih dong pơsit anăn hmư̆ hing kơphê Việt Nam ƀơi rŏng lŏn tơnah.

Ngui ngor pơdong rơnưh, amra hơmâo lu bruă ngui pơhưč ƀing tuai, hơmâo pơdong rơnưh; pơdă kơphê jơman, gơnam OCOP, gơnam mơ̆ng hmua; pơdă rup, mơnuih ngă hmua pơplông ngui, ngui ngor adoh suang biă ñu hơmâo tơlơi ngui pơplông hna, pơkra ia kơphê jơman. Jơnum ngui kơphê Buôn Ma Thuột tal 9 thun 2025 hơmâo pơphun mơ̆ng lơ 9 truh lơ 13/3/2025 hăng anăn “Buôn Ma Thuột anih čuă lăng mơ̆ng kơphê rŏng lŏn tơnah”.