VOV4.Jarai-Lơ 16/9, Khul mơnuih ngă hmua Dak Lak jơnum pơčrông sai “Mơnuih ngă hmua pơphun bruă mă, pơčeh phrâo amăng rơnuk ba yua pơblih phrâo mrô kơnang kơ gơnam sĭ mơdrô OCOP”. Truh ră anai, Dak Lak hơmâo 72 mơta gơnam sĭ mơdrô dưi jŭ yap OCOP djơ̆ hnong pơkă mơ̆ng 3-4 asar pơtŭ, gah gơnam boh čroh đang hmua gêh găl ƀơi tơring čar hơmâo kah hăng kơphê, tiu, boh ƀơr, boh sầu riêng.

Jơnum bơkơtuai abih bang

Ƀơi mông jơnum, ƀing khua mua pơtum boh yôm phun kiăng thâo rơđah gơnam sĭ mơdrô boh čroh đang hmua tui hluai anŏ gêh găl phara mơ̆ng plơi pla. Laih dơ̆ng, hơduah ĕp tơlơi gêh găl pok prong anih anom sĭ mơdrô, pơđĭ tui tơlơi thâo hluh mơ̆ng rim boh sang bruă pok pơhai ngă tui hơdră OCOP. Ƀing khua mua đăo kơnang pơblih ba yua mrô amăng bruă ngă hmua lĕ kiăng biă mă, djru ngă hră pơtrun hăng mă yua pran kơtang mă bruă; djru pơđĭ tui boh tŭ yua pơhrui glăi, boh tŭ yua hiam amăng bruă ngă hmua pla pơjing, pơkra ming gơnam sĭ mơdrô kiăng djă hnong rơnoh yôm hơđong kjăp.

Nay Jek: Pơblang