VOV4.Jarai-Ƀơi plơi prong Ƀuôn Ma Thuôt, Khul mơnuih ngă hmua Dak Lak jơnum pok pơhai sa wơ̆t hrơi tơjuh lăi pơthâo, blơi gơnam đang hmua ba gru hlâo tơring čar Dak Lak thun 2022 laih anun pơphun bruă mă pơkơtưn “Mơnuih ngă hmua pơkra ming, sĭ mơdrô rơgơi, pơkra mơnong ƀong huă hơdjă rơgoh rơnuk rơnua djơ̆ găl hăng pơgang anih dŏ jum dar”.

Trơ̆i bơnal pok pơhai mông jơnum pơphun pok  hơdră

Jơnum truh abih lơ 13/7, hơdră rơwang hrơi tơjuh blơi gơnam đang hmua ba gru hlâo tơring čar Dak Lak thun 2022 pơpha jing 2 gưl, amăng anun mơ̆ng lơ 7-9/7 lăi pơthâo, blơi  gơnam đang hmua amăng tơring čar hăng lăi pơthâo gơnam yua mă bruă ngă hmua tui boh thâo ia rơgơi phrâo.

Mơ̆ng lơ 10-13/7, gưl tơring glông pơphun pôr pơthâo boh troh đang hmua ƀơi kual plơi pla. Hơdră thun anai hơmâo 60 čơgăn gơnam ba pơdă yua mơ̆ng Khul mơnuih ngă hmua djop tơring glông, plơi prong, plơi prong phun amăng tơring čar Dak Lak ba pơdă hrom hơdôm tơring čar Gia Lai, Kon Tum, Dak Nông, Lâm Đồng, An Giang, Đà Nẵng dơ̆ng ngă hrom.

Nay Jek: Pơblang