VOV4.Jarai - Mah bưp tơnap tap yua klin Covid-19 , samŏ sĭ mơdrô djop gơnam đang hmua ƀơi Dak Lak amăng 6 blan akŏ thun 2022 ăt đĭ kơtang, giăm 20.000 klai prăk (dưm dưm 845 klăk đôlar Mi), đĭ 60% pơhmu tui tơđar thun hlâo. Amăng anun kơphê ăt lĕ gơnam đang hmua sĭ lu hloh, giăm 70% prăk pơhrui; tŏ tui lĕ kơsu, tiu; dŏ glăi lĕ gơnam pơkŏn anun lĕ ia hơni, braih, boh troh, añăm tam hơbơi pơtơi.

Gơnong bruă sĭ mơdrô tơring čar Dak Lak brơi thâo: bruă hơdôm Khul pơlir hơbit sĭ mơdrô anun lĕ: Khul pơlir sĭ mơdrô rơngai Việt Nam - EU, Khul pơlir ngă hrŏm djop mơta hăng pơplih phrâo amăng kual Thái Bình Dương, Khul pơlir hơbit sĭ mơdrô kual ASEAN dưi pok bơwih ƀong pok rai tơlơi dưi brơi hơdôm anom bơwih ƀong sĭ mơdrô pơ tač rơngiao lăi hrŏm hăng Dak Lak hnun mơn, mơng anun amra dưi nao bơwih ƀong hrŏm hơdôm kual hăng dêh čar anun lĕ: kual EU, Japan, Hàn Quốc, Khul hơdôm boh dêh čar Đông Nam Á.

Siu Đoan: Pơblang