Ding jum ngă hmua hăng pơđĭ kyar ƀon lan mă bruă hăng tơring čar Gia Lai ĕp kual pruih phrâo brơi dơnao Ia Mơr
Thứ sáu, 14:39, 02/08/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Mơguah lơ 1/8, Khua Ding jum ngă hmua hăng pơđĭ kyar ƀôn lan ơi Lê Minh Hoan hrŏm hăng grup hyu mă bruă hơmâo mông mă bruă hăng Jơnum min mơnuih ƀôn sang tơring čar Gia Lai kiăng pơsir hĭ tơnap tap, ĕp kual pruih phrâo brơi dơnao Ia Mơr.
Dơnao Ia Mơr, hơmâo tuh pơ alin rơbêh 2.600 klai prăk, kiăng pơhlôm brơi ia pruih kơ rơbêh 14.300 ektar đang hmua amăng tơring čar Gia Lai hăng Dak Lak. Samơ̆, tơdơi kơ man pơkra giong, đơ đam đang hmua yua ia mơng dơnao anai kơnong 3.600 ektar, dŏ kơƀah giăm 5.000 ektar pơhmu hăng pơkă hlâo anun.
Amăng mông mă bruă, Jơnum min mơnuih ƀôn sang tơring čar Gia Lai rơkâo Ding jum ngă hmua hăng pơđĭ kyar ƀon lan tŭ ư hăng bruă pơđoh nao ia pơ hơdôm kual pơplih phun pla mơng hơdôm đang kơsu ƀu hiam. Khua ding jum ngă hmua hăng pơđĭ kyar ƀon lan Lê Minh Hoan tŭ ư hăng tơlơi rơkâo mơng tơring čar Gia Lai, pơhlôm brơi bruă pơđĭ kyar glai rưng, wai pơgang guai hăng ba glăi tŭ yua amăng ngă hmua.
Viết bình luận