VOV4.Jarai-Prăp lui hlâo či rah pơtem djơ̆ bơyan, hmao hrơi pơkă, mă yua ia djơ̆ găl tơring glông Ea Kar tơring čar Dak Lak hlăk ngă klă bruă pơhlôm ia bruih kơ hmua djop phun pla amăng bơyan phang adai không. Tui hăng anom bruă Ngă hmua hăng Pơđĭ kyar plơi pla tơring glông Ea Kar, đơ đam tơring glông hơmâo 50 rơbâo ha phun pla kiăng ia bruih. Amăng anun hơmâo 9.500 ha hmua pơdai mơ̆ng bơyan hlăk hroh, giăm 6.600 ha đang kơphê hlăk čuh bơnga.

Hăng bruă pơpha ia bruih lăp djơ̆ ƀơi 20 boh ring bruă bơnư̆ pơkong ia, dơnao kong ia mơ̆ng akŏ bơyan không, ơi Nguyễn Tiến Sĩ, Khua kông ty wai lăng ring bruă bơnư̆ kong ia tơring glông Ea Kar brơi thâo, anom bruă anai hlăk ngă djop bruă pơhlôm djop ia bruih brơi kơ hmua đang djop mơta phun pla hăng ƀu lui kơƀah ia ôh tơl truh rơnuč bơyan không.

 Nay Jek: Pơblang