VOV4.Jarai - Mơguah lơ 21/4, Gơnong bruă boh thâo ia rơgơi tơring čar Gia Lai pơphun pơƀuh hră pơ-ar pơgang ba sa dua djuai gơnam mơng hmua hơmâo pla lu hloh, hmư̆ hing hloh mơng tơring čar. 5 mơta gơnam mơng hmua lu hloh ƀơi Gia Lai, hơmâo Anom bruă djă pioh tơlơi rơgơi brơi hră pơgang ba kah hăng: Tiu Čư̆ Sê, phơ khô Gia Lai, añăm hla rok Đăk Pơ, braih Ia Lâu - Čư̆ Prong, Rơmô Krông Pa, brơi kơ pô dưi mă yua lĕ Jơnum min mơnuih ƀon sang tơring čar Gia Lai, Gơnong bruă boh thâo ia rơgơi hăng hơdôm boh tơring glông Đăk Pơ, Čư̆ Prong, Krông Pa.

Añăm hla rok Đăk Pơ pơdă ƀơi hrơi brơi hră pơgang ba gơnam.

Rơngiao kơ anun, tơring Gia Lai glăk pơphun ngă bruă pơkra brơi hră dưi kơ 4 mơta gơnam: Hơbơi čên Lệ Cần - Đăk Đoa, boh jrang jrưp Ia Grai, boh kruăi hrĕ Gia Lai, ia hơni bơnga kơphê Gia Lai hăng 1 anăn gơnam hơmâo anih pơkra kơ kơphê Gia Lai.

Siu H’Mai: Pơblang