VOV4.Jarai - Čơtlăm lơ 22/4, Gơnong bruă đang hmua hăng pơđĭ kyar ƀôn lan tơring čar Gialai pơphun ngă lơphet ƀơk hră tŭ yap gơnam OCOP kơ hơdôm mơta gơnam tam pha ra mơng hơdôm bôh să amăng tơring čar. Thun 2021 tơring čar Gialai pơlar hmâo dong 67 mơta gơnam pha ra, dưi tŭ yap bôh tơhnal pơsit hăng pơsit hră tŭ yap gơnam tam OCOP.

Gialai ƀơk hră tŭ yap OCOP thun 2021

Amăng anun hmâo 3 mơta gơnam dăp tal 4 bôh pơtŭ hăng 64 mơta gơnam dăp tal 3 bôh pơtŭ. Gơnam tŭ yap hmâo mă bôh pơtŭ dưi hmâo Jơnum min mơnuih ƀôn sang tơring čar pơsit brơi hră tŭ yap, dưi mă yua anăn păn tŭ yap “OCOP Gialai” hăng dăp tal bôh pơtŭ ƀơi kơdung anung gơnam tui tơlơi pơkă. Bôh tơhnal tŭ yap hmâo nua amăng 3 thun yap mơng hrơi kĭ tơlơi pơsit tŭ yap. Tui anun, tơdơi kơ 3 thun ngă tui Jơlan hơdră OCOP, Gialai hmâo laih 25 mơta gơnam dưi dăp 4 bôh pơtŭ hăng 189 mơta gơnam dăp 3 bôh pơtŭ./.

Siu H’ Prăk: Pơblang