VOV4.Jarai- Lơ 18/2, ƀơi Đồng Tháp, Ding jum ngă hmua hăng pơđĭ kyar ƀon lan gum hrŏm hăng Grup jar kmar kơ wai pơgang ayuh hyiăng ƀơi Việt Nam (WWF - Việt Nam) pơphun jơnum khua mua kơ hơdră ngă tui phrâo kiăng kơ bruă ngă hmua hơđong kjăp. Jơnum bơkơtuai kiăng pơlăi nao rai kơplah wah djop bơnah bơdjơ̆ nao kơ hơdră ngă tui phrâo brơi kơ bruă ngă hmua hơđong kjăp; pel ĕp hăng pơlăi nao rai hơdôm hơbô̆ bruă pơđĭ kyar bruă ngă hmua hơđong kjăp amăng tar ƀar rŏng lŏn tơnah; hơdôm hơdră wai lăng, prăk kak lăp djơ̆ brơi kơ bruă ngă hmua hơđong kjăp; djru brơi hơdôm anom bruă čih pơkra hơdră bruă ƀơi Việt Nam hăng anom bruă bơdjơ̆ nao thâo wai lăng hăng pơjing akŏ bruă kiăng gum hrŏm  ngă tui bruă jao pơđĭ kyar ngă hmua hăng hơdôm tơlơi ƀuăn amăng jar kmar kiăng ngă tui hơnong pơkă pơđĭ kyar hơđong kjăp.

Siu Đoan: Pơblang