VOV4.Jarai-Ƀơi tơring glông Krông Pač, tơring čar Dak Lak phrâo hơmâo tơlơi truh hơkruah yâo ngă joh bơrơbuh phun boh sầu riêng. Hơkruah yâo kơthel ngă mơmŏt lơ 16/6, ƀơi plơi 19/5 hăng plơi Tân Lập, să Êa Yông. Ră anai, ƀing khua mua, mơnuih apăn bruă Anom bruă đang hmua hăng pơđĭ kyar plơi pla tơring glông ngă hrom să Ea Yông nao jŭ yap glăi anŏ răm ƀăm, lăi pơthâo jơnum min mơnuih ƀôn sang tơring glông kiăng hơmâo hơdră djru ba mơnuih ƀôn sang.

Hơkruah yâo ngă joh hơdôm rơtuh phun boh sầu riêng ƀơi Dak Lak

Tui hăng tơlơi lăi pơthâo jăng jai, hơmâo 250 phun boh sâù riêng joh, ngă răm hĭ 400 tơn boh. Ƀơi plơi Tân Lập hơmâo dua boh sang pok bơbung, lu phun boh sầu riêng răm ƀăm, luh abih 10 tơn boh. Rơnoh prăk rơngiă soh sel năng ai 10 klai.

Nay Jek: Pơblang