Hrơi pơdă prưng gơnam pơkra mơng plơi pla hăng gơnam OCOP Việt Nam tal 18 hăng tal pơplông gơnam pơkra hăng tơngan thun 2022 lĕ 2 mơta bruă phun amăng 7 bruă amăng “Festival gơnam pơkra mơng plơi pla Việt Nam thun 2022” yua Ding jum ngă hmua hăng pơđĭ kyar ƀon lan pơphun. Pok pơhai hơdră pơđĭ kyar ngă hmua hăng ƀon lan hơđong kjăp rơwang thun 2021-2030, anăp nao truh thun 2050; jơlan hơdră tui hơnong pơkă dêh čar amăng man pơdong plơi pla phrâo rơwang thun 2021-2025.

Gơnam tui OCOP Dak Lak ba nao pơdă prưng

Hrơi pơdă prưng gơnam mơng plơi pla hăng gơnam OCOP Việt Nam tal 18 kiăng lăi pơthâo, pơpŭ hơdôm gơnam mơng plơi pla; ƀing rơgơi kơhnâo amăng gơnam hiam, lăi pơthâo hơdôm hơbô̆ bruă amăng plơi pla, plơi prong pơkra gơnam yôm phara amăng đơ đam dêh čar; lăi pơthâo jơlan hơdră rĭm boh să sa gơnam (Jơlan hơdră OCOP), pơlir sĭ mơdrô hơdôm gơnam tui OCOP, sa , dua gơnam hiam hơdjă mơng hơdôm ƀon lan hăng hơdôm anih blơi mut hơđă hăng phrâo tui ră anai. Laih dong pơhưč tuh pơ alin, pơsur pơđĭ kyar hơdôm anŏ gal amăng bơwih brơi tuai čuă ngui hăng gơnam bruă pơkra gơnam mơng plơi pla, hơkrŭ glăi hăng pơđĭ kyar; kơtưn amăng pơlir gơnam rơnoh yôm mơng pơkra truh pơ sĭ mơdrô, pơđĭ kyar gơnam hơđong kjăp, pơhlôm pơgang anih dŏ hơdip jum dar…