Lơ 20/10, ƀơi plơi prong Buôn Ma Thuột, tơring čar Dak Lak, Ding jum ngă hmua hăng pơđĭ kyar ƀon lan pơphun “Jơnum bơkơtuai ngă hmua hơdjă: Hơdră plai ƀiă hơƀak jrak hăng pơđĭ kyar ngă hmua hơđong kjăp”, Mơng akŏ thun, Khua dêh čar hơmâo tŭ yap “Hơdră pơđĭ kyar ngă hmua hăng ƀon lan hơđong kjăp, rơwang thun 2021-2030, anăp nao truh thun 2050” hơmâo pok pơhai mơng blan 1/2022, hăng hơnong pơkă “Pơjing bruă ngă hmua pơhlôm gơnam sĭ mơdrô, pơhlôm hơđong mơnong ƀong huă amăng dêh čar, pơgôp yôm phăn amăng bruă ngă hơđong tơlơi bơwih ƀong huă-mơnuih mơnam, wai pơgang hyuh hyiăng, bong glăi ayuh hyiăng pơplih sat.

Mông jơnum

Kiăng ngă tui hơdôm hơdră bruă hăng tơlơi ƀuăn hăng jar kmar, bruă hrŏ trun ngă hơƀak jrak amăng ngă hmua lĕ yôm phăn biă mă. Amăng mông jơnum, hơmâo lu tơlơi pơgôp hiăp kơ hơdră pơtrut ngă hmua hơdjă. Pơ anăp anai, Khua mua Ding jum ngă hmua hăng pơđĭ kyar ƀon lan čang rơmang hơmâo lu bruă mă sit nik kiăng pơtrut anăp nap ngă hmua hơdjă pơplih phrâo, mơnuih ngă hmua thâo rơgơi.