VOV4.Jarai - Tlam lơ 7/10, Anom bruă pơtrut pơsur ngă hmua dêh čar ngă hrŏm hăng Gơnong bruă ngă hmua hăng pơđĭ kyar ƀon lan tơring čar Quảng Trị hơmâo pơphun Jơnum pơčrông sai bruă čih pơkra hơdră ngă bruă mơng Grup pơsur ngă hmua. Tơlơi kiăng hơmâo mơng bruă čih pơkra tơlơi phiăn mă bruă mơng hơdôm grup pơtrut pơsur ngă hmua dưi hơmâo kual pơkra gơnam djơ̆ hơnong pơkă ƀơi 13 boh tơring čar, ƀon prong amăng dêh čar, tơdơi kơ anun, pok prong pơ hơdôm boh tơring čar pơkŏn.

Brơi 10 boh rơdêh por ƀu hơmâo pô mơgat kơ 2 grup pơtrut ngă hmua.

Ƀơi mông jơnum, Gơnong bruă hmua hăng pơđĭ kyar ƀon lan tơring čar Quảng Trị lăi pơthâo Tơlơi pơsit akŏ pơdong lăng hlâo Grup pơtrut pơsur ngă hmua kual Hải Lăng - Triệu Phong hăng Grup pơtrut pơsur ngă hmua kual Vĩnh Linh - Gio Linh - Cam Lộ. Amăng tal anai, Anom bruă pơtrut pơsur ngă hmua dêh čar ta hơmâo jao brơi 10 boh rơdêh por ƀu hơmâo pô mơgat kơ 2 Grup ngă hmua tơring čar Quảng Trị; laih dong kĭ pơkôl ngă hrŏm kơplah wah Anom bruă pơtrut ngă hmua dêh čar, Gơnong bruă hmua hăng pơđĭ kyar ƀon lan tơring čar Quảng Trị hăng Kông ti TNHH Tiến Phong Cam Lộ či pơđĭ kyar kual pla kyâo djơ̆ hơnong pơkă.

Siu H’Mai: Pơblang