VOV4.Jarai-Lơ 18/3, ƀơi Hà Nội pơphun jơnum lăng nao rai amăng tivi ĕp hơdră pơtrut bruă pơđĭ kyar rông un, bui hăng kơtưn bruă wai lăng sĭ mơdrô, pơkra ming mơnong ƀong čem rông. Ră anai, bruă mă pơkra mơnong čem hlô mơnong amăng dêh čar ta đĭ trun rơnoh sĭ mơdrô mơnong ƀong pioh čem hlô mơnong, blơi mơ̆ng dêh čar tač rơngiao, yua kơ anun ăt bơbeč djơ̆ rơnoh sĭ mơdrô mơ̆ng dêh čar tač rơngiao, lơ̆m anun bruă pơkra ming mơnong ƀong čem hlô mơnong dŏ kơƀah.

Jơnum ĕp hơdră pơđĭ kyar bruă čem rông un bui hơđong kjăp

Hơdôm tơlơi rơkâo, kiăng sem glăi hơdră rông un bui, pơtong lăng mrô un ania, bui ania rông pioh tuh ană, brơi git gai pơkra ming mơnong ƀong čem rông hlô mơnong hăng pơkă hnong bơwih ƀong huă tui hluai rĭm boh tơring čar. Tui hăng Kơ-iăng Khua ding jum Bruă hmua hăng Pơđĭ kyar plơi pla ơi Phùng Đức Tiến, hơdră dăp hơdră amra mă yua gơnam pơkra ming ƀơi djop tơring čar; pơblih đơ đam lŏn ngă hmua ƀu pla mơnong jing anih čem rông hlô mơnong.

Nay Jek: Pơblang