VOV4.Jarai-Mơ̆ng lơ 15 truh lơ 18/9 ƀơi Hà Nội amra pơphun jơnum pơdă prưng gơnam sĭ mơdrô mơ̆ng đang hmua jar kmar tal 22-AgroViet 2022, tơlơi pơhing lăi pơthâo hăng ƀing čih tơlơi pơhing yua kơ Anom bruă hơduah ĕp bruă sĭ mơdrô gơnam đang hmua, Ding jum Đang hmua hăng Pơđĭ kyar plơi pla pơphun lơ 7/9 ƀơi Hà Nội. Tui hăng anom bruă pơphun, Jơnum pơdă gơnam sĭ mơdrô đang hmua jar kmar AgroViet 2022 him lăng amra hơmâo 100 boh anom bruă, sang sĭ mơdrô amăng dêh čar hăng tač rơngiao ngă hrom, ba pơdă 170 čơgăn gơnam sĭ mơdrô.

Jơnum lăi pơthâo AgroViet 2022

Amăng anun, hơmâo 28 čơgăn gơnam mơ̆ng dêh čar tač rơngiao hăng lu gơnam ba pơdă hmư̆ hing kah hăng : bào ngư, ia hni Manuka, ia rơmă olive, ia giấm mơsăm, tơpung ƀâo bơngưi jơman; hră pơar čih pơthâo kơ boh thâo ia rơgơi pla pơjing, boh thâo ia rơgơi djet ia boh Lê drơi...Biă mă ñu, tơdơi kơ 2 thun yua klin Covid 19 ngă kơnong pơphun jơnum anai pơdah amăng tivi lăng nao rai mơ̆ng ataih đôč, jơnum pơdă gơnam mơ̆ng đang hmua AgroViet 2022 tal anai amra hơmâo lu anom bruă mơ̆ng 6 boh dêh čar ngă hrom kah hăng: Australia, Nga, Japan, Khač, Thai Lan, Indonesia.

Nay Jek: Pơblang