VOV4.Jarai - Mơguah lơ 1/4, tơlơi pơhing mơng Anom bruă Rông hlô hăng Pơjrao hlô mơnong tơring čar Kon Tum brơi thâo, anih hơmâo klin hơdrap mơnŭ ƀip H5N1 hơmâo ƀuh ƀơi sa boh sang anŏ yă Phạm Thị Thủy, ƀut sang 1, phường Ngô Mây, plơi prong Kon Tum.

Pơƀut mơnŭ bip ba nao čuh.

Tơdơi kơ hơmâo tơlơi pơčrang lăng mơng Anom bruă ia jrao hlô rông kual V, tlam mơmot lơ 31/3, Anom bruă rông hlô hăng pơjrao hlô tơring čar Kon Tum, Anom bruă bơwih brơi ngă hmua plơi prong Kon Tum hăng Jơnum min mơnuih ƀon sang phường Ngô Mây nao lăng, djru ba sang anŏ yă Thuỷ čuh prai hĭ mơnŭ  bip, hăng mrô 1.700 drơi. Prăk rơngiă rơbêh kơ 100 klăk prăk. Anai jing anih hơmâo klin hơdrap mơnŭ bip H5N1 blung a hơmâo Anom bruă wai lăng hlô rông hăng ia jrao hlô tơring čar Kon Tum pơsit dong mơng akŏ thun 2021 truh ră anai.

Siu H’Mai: Pơblang