Kiăng pơtrut tui bruă ngă hrom hyu ĕp lăng, pơgăn bruă ngă soh glăi phă glai pơrai rưng, tlam lơ 28/10, ƀơi plơi prong Kon Tum. Ngă tui Tơlơi pơkôl ngă hrom pơgang glai klô hlao ia 3 boh tơring čar hơmâo kĭ, rơbêh 2 thun rơgao, tơhan pơgang glai klô 3 boh tơring čar hơmâo ƀuh ngă hră pơar 1.200 wơ̆t kiăo mă arăng ngă soh bruă pơgang kông ngăn lŏn glai, ƀuh ngă hră sit nik tơgŭ kơđi ƀing soh 98 wơ̆t.

Kĭ pơkôl tơlơi phiăn ngă hrom wai pơgang glai rưng 3 boh tơring čar

Ơi Hồ Quang Bưủ, Kơ-iăng Khua Jơnum min mơnuih ƀôn sang tơring čar Quảng Nam lăi, thun blan rơgao, tơhan kơnuk kơna 3 boh tơring čar hơmâo ngă hrom klă bruă wai pơgang glai rưng ƀơi mơguai 3 boh tơring čar. Ƀơi mông jơnum anai, klâo boh tơring čar kĭ hră ngă hrom dơ̆ng amăng bruă wai pơgang glai klô hăng boh yôm phun tum teč hloh tui Hră pơkôl pơkă wai lăng tong ten kyâo glai, kông ngăn amăng glai klô kơñ pơgi ni anăp.