Ƀơi tơring čar Kon Tum kơphê glăk amăng bơyan tơsă yơh, kar hăng bơyan hlâo anun, mơnuih pla kơphê glăk tơnap tap ĕp mơnuih pĕ pơhrui kơphê. Hơdôm hrơi blung a bơyan pĕ pơhrui thun 2022-2023, nua apah mơnuih pĕ kơphê 1 tă asar mơtah ƀơi tơring glông Đăk Hà, tơring čar Kon Tum mơng 90 rơbâo truh 100 rơbâo prăk.

Mơnuih mă bruă mơng tơring čar pơkŏn nao pĕ kơphê ƀơi Đăk Hà, Kon Tum

Hăng đang hmua pla kơphê aset boh, khŏm hyu ĕp mơnuih pĕ pơhrui mơng ataih, yua đang hmua taih apah mơnuih pĕ kơphê mơng 100 rơbâo pơ glông. Đăk Hà lĕ kual pla kơphê prong hloh amăng tơring čar Kon Tum, hăng rơbêh 15.000 ektar amăng bơyan pĕ pơhrui. Kiăng pơhrui abih đang hmua anai, Đăk Hà kiăng truh 15.000 čô mơnuih mă bruă. Mơnuih mă bruă amăng tơring glông kơnong 11.000 čô, 4.000 čô mơnuih mă bruă ĕp mơng tơring čar pơkŏn.