VOV4.Jarai - Yap truh abih blan 9 phrâo rơgao tơring čar Kontum hmâo pla phrâo laih rơbêh kơ 4.700 ektar đang kyâu hloh kơ kơčăo bruă ba tơbiă amăng thun anai. Tơlơi pơhing mơng Anom wai lăng dlai kyâu tơring čar Kontum brơi ƀuh, yap truh abih blan 9 phrâo rơgao hơdôm pô dlai, anom bruă, plơi pla amăng tơring čar hmâo pla laih rơbêh kơ 4.700 ektar đang kyâu, lu hloh rơbêh kơ 200 ektar bơhmu hăng kơčăo bruă mơng tơring čar ba tơbiă amăng thun anai.

Kyâu bạch đàn cự vỹ pla ƀơi Đăk Kan, tơring glông Ngọc Hồi, tơring čar  Kontum

Amăng anun 5 bôh tơring glông, plơi prong pla kyâu lu hloh kơ rơnoh pơkă jao lĕ: Sa Thầy , Đăk Hà, Đăk Glei, Kon Braih hăng plơi prong Kontum. Djuai phun kyâu pla biă ñu lĕ kyâu hngô 3 pok hla, bạch đàn cự vỹ, giổi... Ơi Nguyễn Văn Nam, Kơ-iăng Khua Anom wai lăng dlai kyâu tơring čar Kontum brơi thâo: Bruă pơgang kiăng huăi apui ƀong dlai ăt kah hăng pơgang kiăng huăi hmâo arong hlăt pơčrăm lĕ dua bruă mă mơ̆ hơdôm hrơi pơ̆ anăp khul wai lăng dlai kyâu khom ngă tui klă. Gong gai să, phường khom djru gum klă, pơphun bruă hăng gum hrom hăng khul wai lăng dlai kyâu kiăng giăm mơnuih ƀôn sang hloh, na nao pơtrut, pơtă pơtăn, pơsur mơnuih ƀôn sang pơgang ba glăi bôh tơhnal”./.

VOV.TN čih

Siu H’ Prăk pơblang