VOV4.Jarai - Hăng tơhnal ĕp jơlan pơtlaih anô̆ gun kơ hmua ia amăng tơring čar dưi pơphun kơtang, ha amăng plĕ, djơ̆ hăng bôh nik, lơ 20/9, ƀơi tơring glông Kon Braih, Khul pơlir hơbit hơdôm Khul kơsem min bôh thâo phrâo hăng hơdră phrâo măi mok tơring čar Kontum gum hrom Gơnong bruă đang hmua hăng pơđĭ kyar ƀôn lan tơring čar, Gơnong bruă kông ngăn dlai tlô hăng rơhuông adai lŏn mơnai, Jơnum min mơnuih ƀôn sang tơring glông Kon Braih pơphun Bơkơtuai bôh thâo phrâo “Pơƀut pơplih, lŏn ngă đang hmua pioh pơkra hmua prong ƀơi tơring čar Kontum.

Đơ đam anih Bơkơtuai

Pluh čơpăn tơlơi čih lăi pơthâo hrom hăng lu tơlơi gum pơhiăp bơkơtuai amăng mông Bơkơtuai hmâo ngă rơđah dong bôh tŭ yua mơng bruă ngă anai ƀơi tơring čar. Hrom hăng anun pơblang, ba tơbiă jơlan pơtlaih tơlơi gun lom ngă tui, kah hăng: Bruă tum pơƀut lŏn phrâo pơdơi ƀơi bruă pơlir bruă ngă đang hmua, akă ngă tui tơlơi pơkă, pơplih pơkra glăi hmua ia jing lŏn luh gah nao rai pioh ngă hmua prong; Mơnuih ƀôn sang dô̆ pơmin huĭ kơ bôh tŭ yua mă yua lŏn; Bruă mă yua bôh thâo phrâo mut amăng bruă ngă đang hmua akă kơjăp..../.

Siu H’ Prăk: Pơblang