VOV4.Jarai - Tlam lơ 21/7, ƀơi plơi prong Buôn Ma Thuột, tơring čar Dak Lak, Anom bruă pơsur sĭ mơdrô gum hrŏm hăng hơdom anom bruă sĭ mơdrô Việt Nam ƀơi kual Ơi Jŭ pơphun Jơnum bơkơtuai lăng nao rai mơng ataih bruă sĭ mơdrô kơphê pơ kual Ơi jŭ kiăng kơ djru brơi djop ƀon lan, anom bơwih ƀong sĭ mơdrô, anom bơwih ƀong hrŏm mơng Việt Nam ĕp anom bruă ngă hrŏm amăng bơwih ƀong sĭ mơdrô. Tui hăng tơlơi pơhing mơng Ding jum sĭ mơdrô, kual Ơi jŭ lĕ kual glăk kiăng lu hloh kơphê. Rĭm thun, kual Ơi jŭ mă yua giăm 750 klăk đôlar Mi kiăng kơ blơi mut kơphê.

Amăng anun Việt Nam lĕ 1 amăng 5 boh dêh čar sĭ mơdrô lu hloh. Rơngiao kơ sĭ asar krô, sa, dua anom bruă sĭ kơphê mơng Việt Nam anun lĕ Trung Nguyên, King Coffee …Ăt đing nao hơdôm kual anai… Nao jơnum bơkơtuai, ơi Lê Văn Vương, Khua kông ti TNHH Vương Thành Công brơi thâo, anai lĕ hrơi mông gêh gal hloh kiăng anom bơwih ƀong sĭ mơdrô hmư̆ tơlơi črâo ba mơng ƀing rơgơi kơhnâo amăng bruă sĭ mơdrô, mơng anun bĕ hĭ hơdôm tơlơi sat lơ̆m ba sĭ mơdrô kơphê pơ hơdôm dêh čar kual Ơi jŭ.

Siu Đoan: Pơblang