5/ Tơdơi kơ 3 thun ngă tui akŏ bruă pơtruh nao rai pơkra, ba sĭ gơnam mơng hmua tui Tơlơi pơtrun mrô 98 mơng Kơnuk kơna kơ hơdră djru pơtrut pơsur ngă hrŏm, pơtruh nao rai pơkra hăng ba sĭ gơnam, tơring čar Lâm Đồng amăng ƀrư̆ pơđĭ tui nua pơhrui glăi amăng sa blah đang.

Gơnam mơng hmua yua pơtruh ngă hrŏm hăng ba sĭ mơng Lâm Đồng

Rơđah biă ñu, Lâm Đồng hơmâo pơkra hăng pơđĭ kyar 182 anih pơtruh ngă hrŏm, hăng giăm 16.000 boh sang anŏ gum pla hăng 2.445 boh sang anŏ rông hlô. Hơdôm anih ngă hrŏm tui anun hơmâo ngă ƀơi 30.200 ektar phun pla djŏp djuai, pơhrui glăi giăm 400 rơbâo tơn; pŭ rơmô kơbao, bui mơnŭ rơbêh 850.500 drơi, hơmâo 126.560 tơn. Nua gơnam kiăo tui bruă pơtruh ngă hrŏm amăng thun 2021 hơmâo 14 rơbâo 378 klai prăk, dưm dưm 20% abih tih nua pơkra gơnam mơng hmua. Him lăng truh thun 2023, Lâm Đồng hơmâo 200 anih pơtruh ngă hrŏm pơkra hăng ba sĭ gơnam mơng hmua, hăng 30% mrô gơnam mơng hmua amra dưi hơmâo arăng blơi kiăo tui hră kĭ pơkôl.

Siu H’Mai: Pơblang