VOV4.Jarai - Kiăng pơhlôm anŏ klă amăng bruă pơkra, pơđĭ tui rơnoh đĭ kyar mơng bruă ngă hmua amăng hrơi mông hơmâo klin Covid-19 ngă tơnap, tơring čar Lâm Đồng glăk pơƀut pơtrut kơtang bruă gum hrŏm pơkra gơnam hăng ba sĭ gơnam mơng hmua kơ mơnuih ngă hmua.

Lâm Đồng pơtrut pơđĭ kyar anih ngă hrŏm pơkra hăng ba sĭ gơnam mơng hmua.

Lâm Đồng ră anai hơmâo rơbêh 180 anih pơlir hơbit pơkra gơnam wơ̆t hăng ba sĭ gơnam mơng hmua, hăng giăm 18.400 boh sang anŏ gum ngă. Yua hơmâo tơlơi ngă hrŏm anai, 520 rơbâo tơn gơnam djŏp mơta amăng thun laih rơgao hơmâo anih blơi hơđong. tơring čar Lâm Đồng kiăng pơđĭ tui mrô anih pơlir hơbit ngă hrŏm pơkra gơnam truh 200 amăng thun anai, hăng rơbêh 20.000 čô mơnuih gum ngă laih anun mrô gơnam ba sĭ hơmâo rơbêh 600.000 tơn. Kiăng dưi ngă tơlơi anai, tơring čar amra pơƀut pok pơhai lu tơlơi djru đah mơng pơđĭ kyar hơdôm hơbô̆ bruă ngă ƀong hrŏm, anom bơwih ƀong anet hăng găp ƀrô, djru ba dong kơ mơnuih ngă hmua mă yua hơdră ngă hmua klă hloh, pơđĭ tui anŏ klă hăng pơđĭ tui mrô gơnam pơhrui glăi.

Siu H’Mai: Pơblang