Jơnum anai hơmâo lăi pơtong, hơdôm thun giăm anai, tơlơi pơhing arăng ba yua ia jrao rơ̆k, ia jrao hlăt hăng kmơ̆k ia jrao lu đơi amăng bruă ngă hmua pla kơphê, ngă bơbeč sat kơtang biă mă kơ akŏ, hlao ia čroh hnoh, bơbeč djơ̆ tơlơi suaih pral, drơi jăn mơnuih ƀôn sang pô mơ̆n. Tui hăng tơlơi jŭ yap mơ̆ng Anom bruă pơgang phun pla dêh čar, hơnơ̆ng ia jrao hlăt, ia jrao rơ̆k mơnuih ƀôn sang pla kơphê ba pruih pơkă lơ̆m sa hektar truh 5 lit hăng 60% mrô mơnuih ngă hmua ba yua ia jrao lăt rơgao hơnơ̆ng đơi.

Kơnong thun 2023, him lăng jŭ yap gêt čai, gêt kơsu hăng hruh kơsu dưm ia jrao pruih kơ phun kơphê lĕ 2.150 tơn. Jơnum anai pioh lu mông pơčrong sai, rơkâo đĭ hăng lăi pơtong bruă hyu duñ rơmet djah djâo, gêt čai, kơsu, hruh kơdŭng kơsu amăng đang hmua kơphê ƀu djơ̆ bruă mă glăm ba hơjan mơnuih ngă hmua ôh, jing bruă mă mơ̆ng abih bang ană plơi pla, amăng anun tơlơi gơgrong prong hloh lĕ sang bruă sĭ mơdrô, pơkra ming amăng kual yua mơnuih ƀôn sang ngă pô hăng djop sang bruă mơ̆ng kơnuk kơna ăt pơdjơ̆ nao soh mơ̆n.