VOV4.Jarai - “Pơƀut ngă bruă khut khăt hăng abih bang hơdôm hơdră pơgang klin ƀơi hlô rông biă ñu lĕ akan hơdang mơng akŏ thun” jing tơlơi kiăng mơng Kơ-iăng khua Ding jum bruă ngă hmua hăng pơđĭ kyar ƀon lan ơi Phùng Đức Tiến ƀơi mông jơnum lăng amăng tivi kơ bruă pơgang klin klon ƀơi hlô mơnong hăng akan hơdang pơphun mơguah lơ 11/2 ƀơi Hà Nội. Tui anun, hơdôm boh tơring čar kiăng prăp lui djŏp mơta đah mơng dưi pơphun ngă tŭ yua Jơlan hơdră, Akŏ bruă dêh čar kơ pơgang klin kheng hơmâo Khua dêh čar pơsit brơi. Laih dong pơtrut tui bruă man pơkra anih anom, kual rơnuk rơnua huăi hơmâo klin đah mơng pơhlôm hơmâo gơnam ƀong huă hăng sĭ kơ čar rơngiao, djru pơđĭ kyar bruă hmua amăng thun anai. Ƀơi mông jơnum, hơmâo tơlơi gum pơgôp kiăng pơsir brơi tơlơi tơnap gah jơlan hơdră djru kơ mơnuih apăn bruă ia jrao hlô rông amăng plơi pla.

Siu H’Mai: Pơblang