Bruă ngă anai dưi pơphun mơguah lơ 17/8, ƀơi sang mrô 498 jơlan Hoàng Quốc Việt, phường Cổ Nhuế, kuân Bắc Từ Liêm Hà Nội. Hơdôm ƀut ƀudah anung kơphê hiam jơman anai ba juă nua jing hơdôm tơpung kơphê ruah mă tong ten mơ̆ng tal pơplông ia kơphê jơman hloh Việt Nam thun 2024 (Vietnam Amazing Cup 2024). Tal anai, amra hơmâo 9 ƀut kơphê Robusta ta juăt lăi kơphê hơdrô, kơphê vối, kơphê Arabica kơphê hơdrô kơphê če ba pioh pơjuă nua.

Rim mơta kơphê ba pơjuă nua amra pơthâo tơlơi pơhing phara mơ̆ng đang kơphê, sang bruă ming pơkra tơpung kơphê, mơ̆ng bruă pơđĭ tui rơnoh sĭ kơphê Việt Nam kiăng bang hyu truh pơ mơnâo ƀâo bơngưi ia kơphê amăng kơčok kơphê mơ̆ng mơnuih blơi mơñum. Anai lĕ tal dua Dak Lak pơphun ba nao pơjuă nua kiăng pơsit rơnoh kơphê jơman hloh. Thun hlâo, tal pơjuă nua blung lĕ hơmâo ba glăi boh tŭ yua mơ̆n. Rơnoh kơphê jơman hloh hơmâo đĭ yôm tui mơ̆ng 5-7 wơ̆t pơkă hăng nua kơphê đôč đač, kiăng lăi pơtong rơnoh kơphê prong hloh hăng jơman hloh Việt Nam.