VOV4.Jarai - Mơguah lơ 17/6, Ding jum đang hmua hăng pơđĭ kyar ƀôn lan dêh čar ta pơphun “Ngă lơphet pok pơhai Glông bruă pơhing hăng Anih anom djă pioh mrô gơnong bruă rông hlô”. Anai lĕ sa amăng 2 bruă mă rơngiao kơ bruă tơjŭ pla dưi hmâo Ding jum đang hmua hăng pơđĭ kyar ƀôn lan dêh čar ta ruah mă kiăng pơplih gah pơplih mrô amăng thun 2022. Hơdôm hrơi rơgao, Anom bruă rông hlô, Ding jum đang hmua hăng pơđĭ kyar ƀôn lan dêh čar ta hmâo gum hrom hăng grŭp Dăng kông Việt Nam pơdŏng, pok pơhai pơphô mă yua anăn amăng kompiutơr ngă gơnam pioh pơhrui mă, lăi pơthâo, lăi pơdah, pơjing anih djă pioh mrô gah gơnam čem rông hlô hăng anih anom djă pioh mrô kơ hơdôm anih anom rông hlô hăng năng ai ñu 60 mơta bruă mă. Glông bruă anih anom djă pioh mrô rông hlô lĕ phun than yôm phăn kiăng pơđĭ tui bôh thâo wai lăng, git gai mơng ƀirô wai lăng kơnuk kơna, pơphun pơđĭ kyar bruă rông hlô tui tơlơi pơkă jơlan gah, gru nam hăng tơlơi kiăng mơng anih anom sĭ mơdrô. Hrom hăng anun, wai lăng kơjăp anô̆ klă, pơhlôm gơnam ƀong amăng bruă rông hlô kiăng pơđĭ tui nua gơnam, pran bơkơtưn mơng gơnam mă mơng bruă rông hlô Việt Nam./.

Siu H’ Prăk: Pơblang