VOV4.Jarai-Tlam lơ 5/9, ƀơi Hà Nội, Ding jum Ngă hmua hăng Pơđĭ kyar plơi pla ngă hrom jơnum lăi pơthâo tơlơi pơhing kơ bruă pơkra ming, sĭ mơdrô boh čroh mơ̆ng đang hmua hăng pok pơhai bruă mă hơdôm blan rơnuč thun. 8 blan rơgao, rơnoh sĭ mơdrô gơnam đang hmua, pla kyâo, mă akan hơdang pơhrui glăi năng ai 36,3 klai dolar Mi, đĭ tui rơbêh 13% pơkă hăng tal anai thun hlâo. Abih bang amăng gơnong bruă ăt djă bong hnong pơđĭ kyar, pơhlôm djop mơnong ƀong huă, gơnam sĭ mơdrô ƀong huă, djru hrom ngă bơkơnar atur tơlơi bơwih ƀong huă.

Kơ-iăng Khua ding jum ơi Phùng Đức Tiến lăi gir kiăo tui tơhnal pơtrun sĭ mơdrô boh čroh đang hmua kiăng pơhrui glăi 50 klai dolar Mi

Hrom hăng anun, sa tơlơi mơak  khul sĭ mơdrô boh troh đang hmua phun hơmâo pơhrui glăi truh 15 klai dolar Mi 8 blan rơgao, đĭ tui rơbêh 7%, anom bruă ngă hmua ăt čih pioh hơmâo 7 khul mơta gơnam dơ̆ng sĭ mơdrô hơmâo rơnoh pơmă rơbêh 2 klai dolar Mi kah hăng: Kơphê, kơsu, añăm hla rơ̆k, boh čroh, asar boh ñông, gơnam pơkra hăng kyâo pơtâo. Ăt amăng mông jơnum lăi pơthâo hăng ƀing čih tơlơi pơhing mơ̆n, djop sang bruă gah Ding jum ngă hmua hăng pơđĭ kyar plơi pla hơmâo ngă rơđah tui lu hơdră pơtrut pơđĭ kyar bruă hmua pơmă hloh, rơnoh ia săng ia jâo đĭ ăt bơbeč prong mơ̆n kơ bruă ngă hmua pla pơjing hăng rông akan hơdang; lu hơdră pơsir Plăk kơñĭ (Thẻ vàng) mơ̆ng Jơnum min kual Mi kô̆ EC pơkă kơ bruă mă akan hơdang ƀơi Việt Nam, kơtưn kiăng dưi ngă djơ̆ tơhnal pơtrun sĭ mơdrô pơhrui glăi 50 klai dolar Mi.

Nay Jek: Pơblang