VOV4.Jarai - Ƀơi mông “Jơnum pơtruh tuh pơ plai hăng pơđĭ kyar gơnam mơng hmua, ngă hmua hơđong thun 2022”, Jơnum min mơnuih ƀon sang tơring glông Krông Pač, tơring čar Dak Lăk hơmâo pôr pơthâo kơ abih bang anom bruă tuh pơ plai prăk, hơdôm anom bơwih ƀong kơ tơlơi gêh gal, tơlơi kiăng đĭ kyar, jơlan ngă pơhưč tuh pơ plai mơng tơring glông thun 2021-2025. Gah bruă ngă hmua, tơring glông Krông Pač glăk iâu tuh pơ plai amăng 10 kơčăo bruă, prăk tuh pơ plai him lăng năng ai 650 klai prăk, pioh kơ bruă ngă hmua hơdjă, ngă hmua hăng boh thâo ia rơgơi phrâo pơlir hăng pơkra gơnam hăng măi mok ƀơ̆i hlâo.

Pơ ala kơ khua mua, anom bơwih ƀong, ƀing rơgơi kơhnâo bơkơtuai ƀơi mông jơnum.

Mơng “Mông jơnum pơtrut tuh pơ plai prăk hăng đĭ kyar gơnam mơng hmua, ngă hmua hơđong tơring glông Krông Pač thun 2022” tơring glông čang rơmang ngă pơhưč arăng tuh pơ plai, pơđĭ kyar bơwih ƀong huă - mơnuih mơnam hăng dưi ngă tui Tơlơi pơtrun Jơnum Ping gah tơring glông thun 2020-2025 ba tơbiă.

Siu H’Mai: Pơblang