VOV4.Jarai - Khua anom bruă Tơjŭ pla (Ding jum ngă hmua hăng pơđĭ kyar ƀon lan) Nguyễn Như Cường brơi thâo, ră anai dêh čar ta hơmâo năng ai 695 rơbâo ektar đang kơphê, pơhrui hơmâo rơbêh 1,7 klăk tơn/thun. Amăng anun kual Dap Kơdư lĕ 585 rơbâo ektar, pơhrui hơmâo rơbêh 1,6 klăk tơn. Hrơi blan rơgao, klin Covid-19 aka ƀu tơdu ôh, sa, dua anih brơi pơčlah mơnuih mơnam, kŏm đuăi hyu jing ngă tơnap kơ bruă ngă kơphê mơn. Ră anai, nua kơphê glăk đĭ samơ̆ yua klin jing ƀu hơmâo mơnuih nao pĕ, prăk ngă hmua lĕ lu, ngă mơnuih ngă hmua hăng anom bơwih ƀong lêng tơnap soh amăng bơyan phrâo. Dak Lăk jing tơring čar hơmâo lŏn ngă kơphê prong hloh amăng dêh čar. Thun anai, yua hơmâo klin Covid-19, bruă nao rai mơng hơdôm boh tơring čar ăt tơnap mơn, yua hnun ƀơi anai kơƀah mơnuih pĕ kơphê.

Siu H’Mai: Pơblang