Khul pơphun bruă mă hơmâo jao 100 anung gơnam kơ čơđai sang hră ƀu klă drơi jăn ƀơi hơdôm tơring glông Ƀuôn Đôn, Krông Năng, Krông Ƀŭk, Čư̆ Mgar hăng plơi prong Ƀuôn Hô. Rim kơ anung gơnam hơmâo 2 klăk prăk prăk mơta hăng ƀañ kĕo, ia tơsâo rơmô….Abih tih rơnoh prăk djru 80 klăk prăk. Ƀơi kual Dap Kơdư, Keh prăk anai hơmâo jao 400 anung gơnam kơ čơđai ƀu klă drơi jăn ƀơi hơdôm tơring čar Gia Lai, Kon Tum, Dak Nông hăng Dak Lak.

Yă Phạm Thị Chính, Kơ-iăng khua khul wai lăng keh prăk Yua kơ čơđai muai ƀu klă drơi jăn Việt Nam brơi thâo, hơdră “Djru kơ čơđai muai ƀu klă drơi jăn nao sang hră” lĕ sa amăng 4 mơta bruă anăp nao mơ̆ng Keh prăk anai, kiăng djru ba ƀing čơđai muai ƀu klă drơi jăn hrưn đĭ, mut hrŏm mơnuhi tơpuôl, găn rơgao hĭ tơlơi anit glăi, hañ mlâo mơ̆ng drơi jăn pô mut hrŏm tơlơi hơdip mơda mơak amăng plơi pla.