Anai lĕ tơlơi pơhing ba tơbă amăng jơnum lăng glăi tơlơi sit nik ngă tui 6 blan akŏ thun, bruă jao akŏ phun 6 blan rơnuč thun 2023 amăng bruă mă, mơnuih djru hơkrŭ hăng mơnuih mơnam yua Ding jum bruă mă, tơhan rơka hăng mơnuih mơnam pơphun  tlam lơ 21/7 ƀơi plơi prong Huế, tơring čar Thừa Thiên Huế. 6 blan akŏ thun anai, bruă mă ăt hơđong, mrô mơnuih mă bruă hăng bruă mă đĭ tui ƀơƀrư̆. Mrô mơnuih hơmâo bruă mă lĕ 51,2 klăk čô, đĭ rơbêh 900 rơbâo čô pơhmu tui tơđar thun hlâo.

Gơnong bruă đing nao pơgiong hơdră bruă, tơlơi phiăn amăng pơhlôm djru mơnuih mơnam; ngă tui hơdră djru mơnuih rĭm blan brơi rơbêh 3,3 klăk čô mơnuih hăng rơbêh 300 rơbâo boh sang anŏ, ƀing mơnuih gum djru brơi rĭm blan. Amăng mông jơnum, ƀing khua mua hơdôm anom bruă, gong gai ƀon lan pơčrông sai, ba tơbiă akŏ bruă djru mơnuih mơnam; tŏ ngă tui hơdôm hơdră pok prong abih bang hăng hơmâo lu dong mơnuih mut hrŏm hră pơhlôm nua mơnuih mơmam, hră pơhlôm djru lơ̆m ƀu hơmâo bruă mă.