Amăng 2 thun laih rơgao, Binh đoàn 15 hơmâo ngă klă bruă pơtô, jĕ giăm ană plơi, djru hrŏm ngă klă bruă bơwih ƀong huă, pơgang lŏn ia, rơnuk rơnua amăng kual giăm dêh čar ƀơi tơring čar Gia Lai, Kon Tum. Rơđah biă mă ñu, Binh đoàn 15 hơmâo pơsir bruă mă hơđong kơ 9.000 čô mơnuih djuai ƀiă hơmâo bruă mă; pơphun brơi 4.200 krop rơkơi bơnai ngă kông ñơn djuai ania Yuan hăng djuai ƀiă dŏ jĕ giăm, pơdjru nao rai pơđĭ kyar bơwih ƀong huă.

Hrŏm hăng hơdôm bruă mă tơlơi khăp pap, Binh đoàn 15 hơmâo pơdah tui klă anŏ gơgrong ba mơ̆ng ƀing tha plơi, khua ƀôn, mơnuih arăng đăo kơnang, ƀing khua pô pơtô djop tơlơi đăo amăng kual djuai ƀiă, djru pơtô lăi ană plơi, pơtrut hrŏm bruă kiăng mơak pran jua, bơwih ƀong huă, hơdip mơda djă pioh gru grua hiam đưm djuai ania laih anun pơgang rơnuk rơnua hơđong ƀơi kual guai dêh čar.