Amăng hrơi blan laih rơgao, gơnong bruă pơtô pơjuăt tơring čar Dak Lak hơmâo jak iâu pơgôp 40 klai prăk hơmâo: 5 klai prăk mơng rơnoh prăk jak iâu pơgôp mơng gơnong bruă pơtô pơjuăt; 35 klai prăk pơgôp mơng Anom bruă apui lơtrik Việt Nam yua Ding jum pơtô pơjuăt rơkâo djru brơi tơring čar. Tơdơi kơ tŭ mă 35 klai prăk, gơnong bruă pơtô pơjuăt Dak Lak hơmâo gum hrŏm hăng anom bruă blơi pơhrui gơnam tam tơring čar pơphun blơi glăi tui tơlơi pơkă.

Boh than ba glăi, 3 boh kông ti pơlir hơbit dưi blơi glăi 14.000 boh măi komputơr djru brơi ƀing čơđai hăng nua ñu 2.294.000 prăk sa boh, dưm dưm rơbêh 32 klai prăk. Mrô prăk pơkrem glăi lơ̆m blơi giong lĕ 3 klai prăk hơmâo gơnong bruă pơtô pơjuăt brơi glăi anom bruă bơdjơ̆ nao kiăng blơi pơhrua gơnam pơkŏn dong kiăng djru brơi čơđai tơnap tap. Ơi Đỗ Tường Hiệp, Kơ-iăng khua gơnong bruă pơtô pơjuăt tơring čar Dak Lak brơi thâo:

“Hrơi mông pơtrut pơsur anai, ƀing gơmơi kiăng ngă lar hyu tơlơi jak iâu bơdjơ̆ kơnong hăng gơnong bruă pơtô pơjuăt đôč ôh mơ̆ wŏt gơnong bruă pơkŏn, wŏt mơnuih ƀon sang, ngă lar hyu amăng mơnuih mơnam bruă gum djru brơi ƀing čơđai amăng tơring čar Dak Lak, kiăng ƀing gơñu gêh gal hrăm hră amăng hrơi blan klin Covid-19 lar hyu, ƀu brơi čơđai hơpă ôh dŏ glăi gah tlôn”.