Prăk pioh ngă bruă rơbêh 1 klai 400 klăk prăk. Kiăo tui hơdôm bruă hơmâo ngă, thun 2023, Hlăk ai Anom bruă apui lơtrik Dak Lăk ba bruă pơkra apui tŭi rơđah jơlan nao rai amăng plơi amăng bruă bơkơtưn, jao bruă rơđah rơđông kơ hơdôm plơi pla. Hơdôm blan akŏ thun anai, hơdôm anom bruă hơmâo ngă lu ring bruă tŭi rơđah jơlan nao rai pơ Plơi hlăk ai bơwih ƀong (să Ia Lốp, tơring glông Ea Súp), plơi Đồi Đá (să Krông Ƀuk, tơring glông Krông Pač); ƀuôn Ga (Ea Kmut), ƀuôn Ea Knôp (să Čư̆ Ni) hăng ƀut plơi 1-2-3 (să Xuân Phú) tơring glông Ea Kar.

Kơnong amăng blan 3 - Blan hlăk ai 2023, anom bruă apui lơtrik hơmâo ngă 2 ring bruă tŭi apui rơđah ƀơi jơlan nao rai amăng plơi Thôn 1, Thôn 2 (să Bình Hòa, tơring glông Krông Ana) hăng ƀơi să Khuê Ngọc Điền, tơring glông Krông Bông. Hơdôm ring bruă “Tŭi rơđah jơlan amăng plơi” yôm biă mă ƀu kơnong bơwih brơi bruă nao rai mơng mơnuih ƀon sang đôč ôh, ăt djru pơhlôm hơđong kơjăp, rơnuk rơnua jơlan nao rai dong.