Dak Lak: Djru braih tết kơ rơbêh 18 rơbâo boh sang anŏ
Thứ ba, 11:41, 27/12/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Gơnong bruă wai lăng Bruă mă Tơhan rơka hăng Mơnuih mơnam Dak Lak jŭ yap glăi ƀing hơmâo anăn tơnap pioh djru amăng bơyan ngă yang thun phrâo têt Qúy Mão 2023 hăng rơkâo djru braih kơ 18 rơbâo boh sang anŏ hăng rơbêh 67.674 čô mơnuih.
Amăng anun, lu hloh lĕ ƀơi tơring glông Ea Sup, hơmâo 2.150 boh sang anŏ, tŏ tui dơ̆ng lĕ tơring glông Mdrak, hơmâo 1.865 boh sang anŏ. 3 boh tơring glông pơkŏn ƀu kiăng djru lĕ plơi prong Ƀuôn Ma Thuôt, plơi prong Ƀuôn Hô hăng tơring glông Čư̆ Kuin.
Tui hăng mrô jŭ yap glăi, Gơnong bruă wai lăng Bruă mă Tơhan rơka hăng Mơnuih mơnam Dak Lak hơmâo ngă hră pơdah thâo hăng Ding jum wai lăng Bruă mă tơhan rơka hăng Mơnuih mơnam, Ding jum prăk kăk pơdah thâo hăng Kơnuk kơna dêh čar, djru tơring čar Dak Lak 1.015.110 tơn braih pioh djru kơ mơnuih ƀôn sang ƀong tết Quý Mão thun 2023.
Viết bình luận