Tui Jơnum min djop djuai ania mơnuih mơnam Việt Nam tơring čar Dak Lak, găn rơgao 20 thun pơphun, hrơi gum pơgôp djop djuai ania glăk ƀơƀrư̆ lar hyu amăng tơlơi hơdip mơnuih ƀon sang. Hăng tơlơi pơsit pơhlôm rơnuk rơnua hăng pơkrem, tŭ yua, rĭm thun, djop plơi pla amăng tơring čar lêng pơphun hrơi ngui anai. Lu plơi pla pơphun jao sang gum pơgôp, nao čuă, tơña bla, ƀơk gơnam brơi sang anŏ tui hơdră djru, sang anŏ ƀun rin; pơpŭ bơni khul grup, ƀing mơnuih ba gru amăng djop mơta bruă amăng plơi pla.

Jơnum min djop djuai ania mơnuih mơnam djop gưl ƀơi Dak Lak hơmâo jak iâu gum pơgôp rơbêh 280 klai prăk brơi Keh prăk yua mơnuih ƀun rin, djru man pơdong giăm 5.500 boh sang gum pơgôp hăng rơbêh 2.000 ring bruă. Sit biă ñu, 2 thun hơđuh đĭ klin Covid-19, tơring čar hơmâo tơlơi gum pơgôp amăng pơgang, pơgăn klin hăng abih tih prăk kak hăng gơnam rơbêh 55 klai 600 klăk prăk.