Tui hăng khua mua khul wai lăng mơnuih bum mơta tơring čar Dak Lak, ră anai hơmâo rơbêh 530 čô mơnuih bum mơta. Amăng 5 thun rơgao, tơring čar akŏ pơjing 20 kơčăo bruă pơsir bruă mă, pơhưč 270 čô mơnuih bum mơta hơmâo bruă mă, pơtum mut mă bruă pơkra ming, čem rông, ngă hmua hăng sĭ mơdrô anet. Khul wai lăng mơnuih bum mơta tơring čar Dak Lak dŏ ngă hrŏm djop sang bruă pơtô bruă mă uh, kơpit drơi jăn pơjrao duăm ruă kơ hơdôm hơpluh čô mơnuih bum mơta, lăi pơthâo pơčrâo brơi anih hyu mă bruă.

Lu mơnuih bum mơta hrăm bruă giong, glăi pok anih mă bruă pơ sang anŏ, djru pơsir bruă mă, ĕp prăk pơhrui glăi kơ sang anŏ, pơkă dưm dưm 3 klăk 500 rơbâo rĭm blan sa čô. Hơdôm tơlơi gir run amăng 5 thun rơgao, djru pơđĭ tui tơlơi hơdip mơda mơnuih bum mơta amăng tơring čar. Mrô sang anŏ ƀun rin mơnuih bum mơta hrŏ tui 4%, mơ̆ng 17,5% trun dŏ 13,4%.