Hơmâo lu tơlơi pơgôp hiăp bơdjơ̆ nao bruă čuk pơkra, mă yua lŏn, hơdră djru prăk mă lŏn, djru pơdong plơi phrâo, pơsir lŏn hơmâo mơng lŏn hmua, đang glai. Ơi Võ Tấn Tài, Khul pơlir hơbit hơdôm anom bruă tơring čar Dak Lăk lăi, hơdôm tơlơi pơkă phrâo amăng tơlơi phiăn lŏn tơnah (pơkra glăi) amra hơmâo tơlơi tŭ ư hrŏm, dưm kơnar pơhlôm anŏ klă amăng bruă mă yua lŏn tơnah. Kơnong kual Dap Kơdư, kual hơmâo lu mơnuih ƀon sang djuai ƀiă dŏ hơdip, bruă čuk pơkra lŏn khŏm lăp djơ̆ hăng tơlơi hơdip mơda mơng ană plơi amăng hrơi mông bơwih ƀong sĭ mơdrô. Pơgôp hiăp kơ prăk duh lŏn, djru pơdong plơi phrâo, ƀing khua lăi kiăng ngă rơđah hloh dong rơnoh pơkă djru prăk kăk, djru pơdong plơi phrâo tơdơi kơ kơnuk kơna ta mă glăi lŏn “pơhlôm tơlơi hơdip mơda tui hơđăp ƀudah hloh kơ plơi hơđăp”.