Tui Khul đah kơmơi tơring čar Dak Lak, amăng hơdôm thun rơgao, đah kơmơi tha rơma amăng tơring čar lêng kơ gir run mut hrŏm hơdôm tơlơi pơplông, pơtrut pơsur “Mơnuih tha rơma pơplông bơwih ƀong rơgơi”; pơjing sang anŏ “5 ƀu hơmâo, 3 agaih” pơlir hăng “Pơjing sang anŏ hơdip rơnôm, trơi pơđao, yâo mơ-ak, pơplih phrâo”…Djop gưl amăng Khul hơmâo lu b ruă mă phara brơi ƀing đah kơmơi tha rơma, kiăng bơwih brơi hăng tŏ tui tơlơi gơgrong mơng đah kơmơi tha rơma amăng sang anŏ hăng mơnuih mơnam; pơhưč ding kơna đah kơmơi tha rơma mut hrŏm.

Amăng mông jơnum, ƀing đah kơmơi hơmâo pơbưp, pơlăi nao rai hơdôm bruă ngă klă, tŭ yua amăng gum hrŏm pok pơhai hơdôm tơlơi pơtrut pơsur pơjing sang anŏ 5 ƀu hơmâo, 3 agaih pơlir hăng bruă “Mơnuih tha rơma ba gru”  hăng man pơdong plơi pla phrâo amăng ƀon lan. Ƀrô tal anai, Khul pơphun hơmâo pơpŭ bơni 30 čô đah kơmơi tha rơma ba gru amăng djop mơta bruă.