Amăng 5 hrơi, mơnuih tui hrăm hơmâo brơi hơdrôm hră hrăm, amăng anun hơmâo hră lăi nao tơlơi pơmin mơ̆ng Ping gah hăng Kơnuk kơna kơ bruă iâu pơthưr pơtô ba mơnuih ƀôn sang amăng rơnuk phrâo, lăi pơthâo hơdôm tơlơi hơmâo mơ̆ng Tơlơi phiăn mơnuih ƀôn sang ngă pô amăng plơi pla (dưi mă yua mơ̆ng lơ 1/7/2023), bruă iâu pơthưr mơnuih ƀôn sang gum man pơdong plơi pla phrâo, plơi prong rơgơi, pơtrut tui tơlơi gơgrong bruă mơ̆ng Anom krăp lăng tuh pơ alin mơ̆ng mơnuih tơpuôl. Ƀơi mông pơtô pơhrăm, ƀing khua ƀơi djŏp gưl bruă či Dak Lăk pioh mông bơkơtuai kơ bruă mă sit nik, lăng glăi tơlơi hơmâo hrăm, tơlơi rơgơi ngă bruă, pơsit rơđah bruă yôm phun mơ̆ng bruă iâu pơthưr mơnuih ƀôn sang lăp djơ̆ hăng rim kual plơi pla.