Amăng mrô 6000 čô mơnuih ba hră rơkâo tŭ mă prăk djru rơngiă bruă, hơmâo 4.200 čô mơnuih mă bruă ƀơi tơring čar pơkŏn, 1.800 čô mơnuih mă bruă ƀơi tơring čar. Anom bruă bơwih brơi bruă mă tơring čar Dak Lak hơmâo sem glăi pơtong rơđah hră pơar hăng lăi pơthâo kơ anom bruă kơnuk kơna pơsir 5.700 čô dưi tŭ mă prăk djru yua rơngiă bruă, rơnoh prăk truh 90 klai.

Ơi Nguyễn Văn Cường, Kơ-iăng Khua Anom bruă bơwih brơi bruă mă tơring čar Dak Lak lăi, anom bruă gơñu hơmâo ngă hrŏm tong ten hăng anom bruă pơhlôm nua bruă mơnuih mơnam brơi pơsir tañ hmao kru, anŏ hơgĕt gun gan lĕ pơsir mơtam. Hrŏm hăng anun, lăi pơthâo, pơčrâo brơi anih hrăm bruă kơ mơnuih mă bruă kiăng tañ ĕp bruă mă djơ̆ găl.