Anai lĕ bruă mă anăp nao blan ngă bruă yua kơ ƀing čơđai thun 2023 hăng anăn “Gum tơngan hrŏm plai ƀiă bơbeč sat nao čơđai”. Amăng hrơi blan laih rơgao, Ping gah, Kơnuk kơna Việt Nam hăng djop anih anom kơđi čar hơmâo bruă mă khut khăt kiăng pơgang brơi klă hloh kơ ƀing čơđai amăng plang internet. Črăn tơlơi phiăn kơ bruă pơgang ba ƀing čơđai amăng plang internet hơmâo Việt Nam đing nao pơjing, hơmâo črăn tơlơi pơkă, tơlơi phiăn yôm phăn anun lĕ: Tơlơi phiăn čơđai, tơlơi phiăn pơhlôm klă tơlơi pơhing amăng plang internet, tơlơi phiăn tŭ mă tơlơi pơhing.

Kơnuk kơna, Khua dêh čar hơmâo ba tơbiă sa, dua hră pơ-ar yôm phun kiăng wai pơgang brơi ƀing čơđai amăng plang internet. Amăng anun, Khua dêh čar hơmâo tŭ yap jơlan hơdră bruă mă dêh čar yua kơ ƀing čơđai rơwang thun 2021-2030; hăng jơlan hơdră “Wai pơgang hăng djru brơi ƀing čơđai dưi mut nao lăng anŏ hiam klă, thâo pơčeh phrâo mơng plang internet rơwang thun 2021-2025.