Ding kơna Ding jum kơđi čar ơi Nguyễn Hòa Bình nao čuă jơmư mơnuih ƀôn sang amăng kual lŏn pơpư̆ ƀơi tơring glông Kon Plông
Thứ ba, 09:57, 06/08/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Amăng hơdôm hrơi hyu mă bruă ƀơi tơring čar Kon Tum, tom brơi (5/8), Ding kơna Ding jum kơđi čar, Khua apăn bruă Ping gah, Khua sang phat kơđi tơlơi ơi Nguyễn Hòa Bình hrŏm hăng grup hyu mă bruă mơng gơnong glông hơmâo nao pel ĕp tơlơi sit nik amăng kual lŏn pơpư̆ hăng hyu tơña bla, juh alum mơnuih ƀôn sang ƀơi să Đăk Ring, tơring glông Kon Plông.
Đĭ pơhiăp amăng mông mă bruă, ơi Nguyễn Hòa Bình brơi thâo, Ding jum kơđi čar đing nao biă mă kơ bruă lŏn pơpư̆ amăng tơring čar Kon Tum. Hăng jai ƀuh lu tui lŏn pơpư̆, ƀơƀrư̆ glăk kơtang tui, ñu pơtă pơtăn, khua mua Ping gah, gong gai hăng mơnuih ƀôn sang kiăng pơhlôm hlâo hơdip hrŏm hăng hơdôm tal lŏn pơpư̆.
Tơring čar kiăng pơplih lu bruă mơng tơlơi črâo trun, jơlan gah bruă pơđĭ kyar rơwang pơ anăp truh tơlơi hơdip kơ mơnuih ƀôn sang. Kiăng gơgrong pơhlôm hlâo, plai ƀiă anŏ răm rai lơm ƀuh lŏn pơpư̆, Ding kơna Ding jum kơđi čar ơi Nguyễn Hòa Bình lăi pơtong, kiăng prap lui bruă pơhlôm hlâo, ba tơbiă hơdră bruă, pơtô hrăm hơdôm bruă dju ječ mơnuih bưp tơlơi truh sat.
Viết bình luận