Ƀơi mông jơnum, ding kơna Jơnum min dêh čar kơ mơnuih thun tha rơkâo: Kơnuk kơna git gai hơdôm anom bruă čih pơkra “Hơdră ngă bruă Dêh čar kơ ƀing tha amăng rơnuk phrâo” đah mơ̆ng kiăo hmao tơlơi pơplih mrô mơnuih tha jai hrơi lu tui ƀơi Việt Nam; pơsir đut tơhnal 5% mrô mơnuih thun tha, năng ai 500 rơbâo čô mơnuih aka ƀu hơmâo hră pơhlôm nua ia jrao, kiăng 100% mrô mơnuih thun tha hơmâo hră pơhlôm nua ia jrao; hơmâo hơdră djru man pơdong Anih đih pơdơi brơi ƀing tha, iâu pơthưr abih bang mơnuih gum ngă. Laih dong pơđĭ kyar anih anom, gơnam yua bơwih brơi tơlơi suaih pral kơ ƀing tha, iâu pơthưr anom bruă wai lăng mă hơjăn djru ba kơ ƀing tha.

Kơ-iăng khua dêh čar ơi Trần Hồng Hà lăi: bruă lăng ba, pơtrut tui tơlơi gơgrong bruă mơ̆ng ƀing tha ră anai kiăng sem lăng amăng hrơi blan dêh čar Việt Nam yak amăng rơnuk thun mrô mơnuih tha jai hrơi lu. Thun 2023 khŏm lăng ba hloh, djru brơi ƀing tha gum pơgôp kơ plơi pla, lŏn ia./.