Tui hăng ơi Huỳnh Quang Thái – Khua Jơnum min mơnuih ƀôn sang tơring glông Čư̆ Pưh, pô tuh pơplai rơwang bruă pơkĕ apui lơtrik hăng jua angin Ia Ale 1, Sang bruă tuh pơplai pơđĭ kyar apui lơtrik pơkĕ hăng jua angin Cao nguyên 1, hmâo mă ruă laih hăng hmâo laih tơlơi pơkôl hăng 3 amăng abih bang mrô 4 bôh sang anô̆ hmâo sang dô̆, gơnam bơdjơ̆ nao mơng gŏng pơkĕ apui lơtrik.

Bôh yôm tơlơi pơkôl lĕ anom bơwih ƀong amra djru hơdôm sang anô̆ pơdŏng sang tui tơlơi pơkă sang dô̆ plơi pla, anih anom pơdŏng giăm kual mơnuih ƀôn sang dô̆; pơkra jơlan, raih bôh pơtâo mah gal brơi kơ bruă nao rai; djơ̆ hăng mrô apui kiăng yua, ia yua. Ơi Huỳnh Quang Thái brơi thâo. Hơdôm bôh sang anô̆ dô̆ glăi hmâo lŏn ngă đang hmua bơdjơ̆ nao amra dưi pel ĕp, djru tui tơlơi pơkă dong./.