Kiăng ngă tui hơnong pơkă truh thun 2025, rơbêh 90% mơng 15 thun pơ glông lêng thâo đok, čih tơlơi yuăn, tơring čar Gia Lai pok pơhai ha amăng plĕ hơdôm hơdră bruă, amăng anun hơmâo bruă pơtô đok, čih boh hră brơi mơnuih djuai ania ƀiă, anai lĕ mrô ha mơkrah mrô mơnuih đơ đam tơring čar. Tui tơlơi pơkă ngă tui jơlan hơdră tui hơnong pơkă dêh čar pơđĭ kyar bơwih ƀong huă-mơnuih mơnam kual mơnuih djuai ania ƀiă hăng kual čư̆ siăng rơwang tal I (2021-2025), tơring čar Gia Lai pơphun 735 anih pơtô đok-čih brơi giăm 23.500 čô mơnuih ƀơi 176 boh să.

Kơnong amăng thun anai, gơnong bruă pơtô pơjuăt tơring čar Gia Lai amra gum hrŏm hăng anom bruă djuai ania hăng hơdôm anom bruă bơdjơ̆ nao pơphô bruă brơi Jơnum min mơnuih ƀon sang tơring čar kah pha prăk kak brơi hơdôm boh ƀon lan pok 217 anih pơtô hrăm brơi rơbêh 6.500 čô mơnuih. Gơnong bruă pơtô pơjuăt tơring čar Gia Lai brơi thâo: Anai lĕ jơlan hơdră djru brơi mơnuih djuai ania ƀiă lăi phara hăng tơring čar Gia Lai hnun mơn, hơmâo lu dong mơnuih thâo hră mơng anun amra pơklaih mơng ƀun rin, hrưn đĭ tơlơi hơdip mơda.