Amăng mrô hơdôm anom bơwih ƀong sĭ mơdrô kaih ƀudah dŏ đôm hnưh hră pơhlôm nua mơnuih mơnam ƀơi Gia Lai, hơmâo 15 anom bơwih ƀong sĭ mơdrô Kơnuk kơna, mrô prăk aka ƀu duh lĕ 12 klai prăk; 1.071 noh anom bơwih ƀong sĭ mơdrô pơdong mă hăng mrô prăk aka ƀu duh 48 klai prăk, 167 boh anih anom dŏ đôm hnưh hră pơhlôm nua mơnuih mơnam lĕ anom bruă pơdơi mă bruă, đuăi dŏp mơng anih anom, hăng mrô prăk dŏ đôm 17 klai prăk.

Ơi Trần Ngọc Tuấn, Kơ-iăng khua anom bruă hră pơhlôm nua mơnuih mơnam tơring čar Gia Lai brơi thâo, bruă kaih duh prăk hră pơhlôm nua mơnuih mơnam brơi mơnuih mă bruă ƀơi Gia Lai, lu hloh lĕ yua hơdôm anom bruă bưp tơnap tap. Hrŏm hăng bruă mơ-it nao hră pơ-ar pơtrut pơsur tơl anih anom kaih duh prăk, anom bruă hră pơhlôm nua mơnuih mơnam amra hơmâo lu hơdră bruă kiăng pơhlôm brơi tơlơi dưi kơ mơnuih mă bruă.